Kardinali Ernest Simoni Troshani ka treguar se kur u arrestua gjatë periudhës së komunizmit, për shkak të bindjeve të tij fetare, një agjent, i cili ndodhej në burg me të, i kishte vendosur një përgjues.
Në emisionin “Real People” në Euronews Albania, Troshani u shpreh se përgjuesi ishte lidhur me zyrën e ish-diktatorit Enver Hoxha.
Troshani nënvizoi se Enver Hoxha dëgjonte gjithçka që ai thoshte në burg. Kardinali rrëfeu edhe një nga frazat që kishte thënë, që ta dëgjonte ish-diktatori.
“Më kishin vënë përgjues kur më arrestuan, e lidhur drejtpërdrejt me zyrën e Enver Hoxhës, për të dëgjuar se çfarë kam folur unë, por pa e ditur unë. Ishte në burg edhe ai, e kishin futur në burg, për të krijuar përshtypjen se ata ishin kriminelë.
Sidoqoftë, ne jemi përhapësit e dashurisë, besimit dhe buzëqeshjes së popullit, duhet të lutemi për të, Zoti e faltë Enver Hoxhën, për ta ndihmuar gjithë të varfërit në Shqipëri, se populli është në vuajtje. Po. Duhet t’i duam armiqtë, na e ka mësuar Krishti, jo unë. T’i falim armiqtë, të lutemi për armiqtë. Të gjitha i dëgjonte Enver Hoxha, theksoi ai.
LEXONI GJITHASHTU
