Karnavalet e Pojanit në Maliq, festa tradicionale ka si qëllim ruajtjen e traditës

Edhe këtë vit banorët e Pojanit në Maliq kanë organizuar karnavalet. Kjo festë ka si qëllim ruajtjen e traditës dhe tërheqjen e turistëve vendas dhe të huaj.

Banorët e fshatit Pojan në bashkinë Maliq edhe këtë vit në një ditë të ftohtë dimri organizuan “Rrogeçërit” një festë kjo tradicionale e këtij fshati. Ashtu siç është e tillë edhe në fshatra të tjerë përreth Pojanit. Për Klajdi Lulollari festa është rikthyer pas vitit 1990 ndërkohë që këtë vit kanë qenë të ftuar edhe nga Malësia e Sharrit pasi rrogeçërit për nga mënyra e organizimit ngjajnë me njëri tjetrin.

Neshat Mehmeti vjen nga Malësia e Sharrit në këtë karnaval të fshatit Pojan, sipas tij banorët e Malësisë së Sharrit i ruajnë karnavalet dhe rrogeçërit edhe për të treguar se banorët e kësaj krahine janë autoktonë në trojet e tyre.

Qëllimi i karnavaleve të Pojanit ka për qëllim ruajtjen e traditës dhe tërheqjen e turistëve vendas dhe të huaj dhe rritjen e përmasave të organizimit në të ardhmen.

Krahas Pojanit karnavalet organizohen edhe në Progër e Polenë të Korçës.

LEXONI GJITHASHTU:

• “Marubi” rekord vizitorësh, mbi 18 mijë turistë në muzeun e fotografisë në Shkodër
• “Si shpjegohet heshtja e Metës”, Analisti: ka lidhje me hetimet nga SPAK