“Si shpjegohet heshtja e Metës”, Analisti: ka lidhje me hetimet nga SPAK

Analisti Genc Burimi tha në një intervistë për Euronews Albania këtë të diel, se kreu i Partisë së Lirisië, Ilir Meta ka heshtur jo vetëm për çështjen e Berishës, por edhe për shumë çështje të tjera për të cilat më herët reagonte.

Kjo sipas tij, lidhet me sekuestrimin e telefonave nga SPAK-u dhe me proceset hetimore ndaj tij.

“Ka shumë kohë, jo vetëm me Berishën, por edhe për veten e tij. Më parë ishim mësuar ta shikonim Metën në konferencë për çdo temë. Kësaj here është komplet i tërhequr.

Kjo lidhet edhe me marrjen e telefonave, me hapjen e anketimit nga SPAK-u. Vetëm ky shpjegim mund të jetë. Por që kjo është e gabuar, se edhe Berisha ndonëse i hetuar dhe tashmë i arrestuar kjo nuk e pengon Berishën, ai thotë “drejtësia ka punën e vetë, unë kam timen”. Nëse është i përndjekur politikisht Meta nuk duhet ta ndalojë betejën politike”,-tha Burimi.

LEXONI GJITHASHTU:

• Berisha në ‘arrest shtëpie’, mbështetësit mblidhen sërish poshtë banesës së tij
• “Sikur flet me vete”-Daljet në dritare, avokati tregon nëse mund të burgoset Berisha