Kastro Zizo fiton çmimin “Artisti i Vitit” në New York

Artisti jo fort i zakonshëm, Kastro Zizo i cili tërheq gjithmonë vëmendje është vlerësuar me çmimin “Artisti i Vitit” për vitin 2022, për arritjet dhe kontributin si artist dhe aktivist i të drejtave të njeriut.

Vlerësimi me këtë çmim u bë i mundur prej propozimit të komunitetit artistik të New York-ut dhe me kërkesë nga zyra e senatorit të SHBA-së në New York, z. Chuck Schumer.

Çmimi iu dha Kastro Zizos si simbolikë në Ditën Botërore të të Drejtave të Njeriut nga Organizata e Kombeve të Bashkuara. Është hera e parë që këtë çmim e fiton një shtetas jo amerikan.

Media amerikane “NY Glamour” i ka kushtuar një shkrim artistit shqiptar. Ky shkrim nis me nominimin që artisti shqiptar pati në Oscars në vitin 2013 me pjesëmarrjen e tij në filmin “Pharmakon” me rolin kryesor “Branko”.

Ata e cilësojnë Kastron si një sensacion ndërkombëtar që me talentin e tij ka kontribuar në artin shqiptar dhe më gjerë.