“Ku e fshehët”- Kaos në Kuvend: Përjashtohet Berisha, rrëzohet kërkesa për McGonigal

Me votat e maxhorancës është rrëzuar kërkesa e bërë nga deputetët e Partisë Demokratike, mbështetës të kreut të PD-së Sali Berisha, për ndryshimin rendit të ditës të seancës plenare të kësaj të enjteje.

16 deputetët të PD-së kërkuan mbajtjen e një mocioni me debat për lidhjet e kryeministrit Rama me ish-zyrtarin e FBI-së, Charles McGonigal.

Kërkesa e PD-së u rrëzua duke shkaktuar përplasje në Kuvend, ku ish-kryeministri Berisha në shenjë proteste bllokoi foltoren e Kuvendit.

Kjo bëri që  kryetarja e Kuvendit Nikolla ta parlajmëronte Berishën dhe më pas ta përjashtonte atë.

“Në bazë të nenit 64 ju tërheq vërejtjen për zabtimin e foltores”, tha fillimisht Nikolla.

Më vonë ajo vijoi: “Jepet masa displinore ndaj Sali Berishës për përjashtimin nga seanca për zaptim të foltores”.

Ndërkohë edhe kreu i grupit parlamentar të PD-së Enkelejd Alibeaj, kërkoi që kryeministri rama të jetë prezent në seancën plenare.

“Unë kërkoj të drejtën time dhe e kam kërkuar që në fillim. Ku e keni shehur Edi Ramën? Si ka dhënë 225 mijë dollar për të përbaltur Partinë Demokratike”, tha Alibeaj.

LEXO GJITHASHTU:

• “Nuk e njoh”- Berisha flet për Agron Nezën dhe thirrjen e Shkëlzenit në SPAK
• Balla: Hetimi për McGonigal është mbyllur, ka vetëm 1 të pandehur
• “Çfarë do kërkojmë nga SHBA”, Berisha: McGonigal, vrasës me pagesë i opozitës