Gazetari Martin Leka, i ftuar në “Now” në Euronews Albania i tha ish-deputetit Balliu, se ai nuk po flet me fakte por me opinione lidhur me humbjen e thellë të Partisë Demokratike, në zgjedhjet vendore të 14 majit.
Ai tha se Shkodrën nuk e fitoi Rama, por e humbi partia demokratike dhe koalicioni Bashkë Fitojmë, pasi Rama u vuri përballë një kandiatë të cilin nuk mund ta sulmonin.
“Unë mendoj se të gjitha këto që thatë janë më shumë opinione4 se fakte. Që të çlirohet Partia demokratike nga gjithë ankthi i madh që ka për Edi Ramën, në mendimin tim, Shkodrën nuk e ka fituar Edi Rama dhe as e majta, por e ka humbur Partia Demokratike dhe koalicioni Bashkë Fitojmë.
Edi Rama tregoi se mënyra e vetme për të fituar bastionin e vetëm historik, ishte duke gjetur një person të djathtë, njeri teknik, që ka punuar edhe në qeverisjen Berisha, i cili nuk tha asnjë fjalë për kandidatin Benet Beci, nuk e sulmoi pasi nuk kishte si ta sulmonte. Te profile I këtij kandidati Edi Rama gjeti njeriun më perfekt”,-tha Martin Leka.
LEXONI GJITHASHTU:
- Klevis Balliu: Në Paskuqan 200 euro veç të mos votohej, ja regjistrimi që kemi
- Shitet me çmim rekord, ora e perandorit të fundit kinez