KED miraton listën përfundimtare të kandidatëve për vendin vakant në Kushtetuese

Këshilli i Emërimeve në Drejtësi (KED) ka miratuar raportin dhe listën përfundimtare të renditjes së kandidatëve që aplikuan për plotësimin e vendit vakant në Gjykatën Kushtetuese, të shpallur nga Gjykata e Lartë më 11 dhjetor 2024.

Nga 13 kandidatët që shprehën interes për karrigen e Holta Zaçajt, KED ka përzgjedhur 6 kandidaturat që do të kalojnë në fazën e vlerësimit të mëtejshëm. Renditja e kandidatëve sipas pikëve është si më poshtë:

1. Asim Vokshi – 89.5 pikë

2. Naureda Llagami – 89.3 pikë

3. Florian Ballhysa – 77.83 pikë

4. Alma Faskaj – 77.77 pikë

5. Genta Tafa (Bungo) – 75.44 pikë

6. Alban Toro -74.22 pikë

Pas kësaj faze, KED do t’i përcjellë dokumentet pranë organit të emërtesës, duke plotësuar kështu detyrimin ligjor dhe duke siguruar transparencë në proces.

Vendimi i Gjykatës Kushtetuese në dhjetor 2024 për mbarimin e mandatit të kryetares Holta Zaçaj, i dha fund një ngërçi ligjor mes këtij institucioni dhe Gjykatës së Lartë, duke hapur rrugën për plotësimin e vendit vakant.