Erion Veliaj është shfaqur jo pak ironizues dhe me akuza të drejtpërdrejta ndaj rivalit të tij në garën për Tiranën, Belind Këlliçit.
Gjatë një takimi me banorët e njësisë 7, kandidati i PS për kryeqytetin e ka cilësuar fushatën e Këlliçit si denigruese, duke e akuzuar se kandidatin e koalicionit bashkë fitojmë se nuk disponon as diplomën e shkollës së mesme.
“Disa prej tyre nxjerrin edhe gishtin e mesit, kur kërkojnë të votohen nga populli. Turp i madh! Por, Etilda ka të drejtë kur tha se duhet diploma e gjimnazit… prandaj duhet diplomë e maturës, e pjekjes sepse një njeri i pjekur në 2023 nuk nxjerr gishtin e mesit për të kërkuar vota dhe për të lidhur kontratë që t’i shërbejë dikujt. E merrni ju dikë në punë që ju nxjerr gishtin e mesit? Turp! Por, nuk është ky problemi më i madh,” – u shpreh Veliaj.
Sipas Veliajt, Këlliçi është duke u përdorur nga dyshja Berisha-Meta për të pastruar ngarkesat politike të së shkuarës
“Problemi më i madh është që ata janë sapun dhe detergjentë për fytyrën që nuk lahet dot të Saliut e të Ilirit. Ky është problem më i madh se gishtat e se diploma. Por në datën 14 maj ne do braktisim ata që na çuan mbrapa e ne ecim vetëm përpara. E patë çfarë i bënë shtëpisë së tyre? Ju kujtohet 8 janari? Ju kujtohet se çfarë i bënë selisë së tyre? Dolën tek sheshi “Skënderbej” me bishta lopatash, me shkopa bejsbolli, me shkallë dhe thashë se do bëjnë ndonjë punë për Tiranën,” – tha kryetari i Bashkisë Tiranë.
LEXONI GJITHASHTU:
- Topollaji: Ku bashkohen Rama, Basha dhe Veliaj në Bashkinë e Tiranës
- Do imitoni Veliajn? Krahu i djathtë i Arlind Qorit: Ja pse jemi ndryshe
