Ka nisur me tensione seanca e së enjtes në Kuvendin e Shqipërisë teksa disa nga deputetët e PD të përjashtuar kanë tentuar të hyjnë në sallën e seancve.

Deputetja e PD Elda Hoti, brenda sallës plenare ka hedhur një material të lëngshëm drejt deputetëve të PS duke bërë që kryetarja Elisa Spiropali ta përjashtojë nga seanca.

Spiropali i ka kërkuar Hotit të dalë jashtë pasi është e përjashtuar, teksa siç tha ka hyrë në kuvend me shishe benzine duke rrezikuar jetën e deputetëve.

“Keni bërë një krim, erdhët me shishe benzine me vete, keni rrezikuar jetën e deputetëve, dilni jashtë, jeni e përjashtuar, me ju do merret Prokuroria dhe SPAK duhet të merret me ju. Garda të verifikojë materialin që kishte me vete zonja Hoti”, tha Spiropali.

Gazetarja e Euronews Albania tha se mendohet që materiali i lëngshëm i hedhur drejt deputetëve të mazhorancës të jetë parfum.

Hoti është mes 24 deputetëve të përjashtuar nga Kuvendi pas incidentit me djegien e karrigeve 2 javë më parë.

LEXONI GJITHASHTU:

• Kuvendi publikon faturën e dëmeve nga djegia e karrigeve, deputetët që do e paguajnë
• President Bajram Begaj kthen në Kuvend ligjin për “Inspektimin”