Keni hundë të madhe?! Ja kush e ka fajin për këtë…

Hunda e madhe, jo estetike apo shumë e gjatë…mund të jetë shqetësuese për shumë njerëz. Por më në fund një zbulim ka treguar se kë duhet të “fajësojmë” për këtë tipar.

Shkencëtarët kanë zbuluar se ADN-ja e Neandertalit ndihmon në përcaktimin e formës së hundës. Më konkretisht u zbulua se një gjen i veçantë, i cili çon në një hundë më të gjatë, mund të ketë qenë produkt i përzgjedhjes natyrore pasi njerëzit e lashtë u përshtatën me klimat më të ftohta pasi u larguan nga Afrika.

Dr Kaustubh Adhikari, i cili drejtoi studimin, tha se disa ADN të trashëguara nga Neandertalët ndikojnë në formën e fytyrave tona.

Studiuesit përdorën të dhëna nga më shumë se 6,000 njerëz në të gjithë Amerikën Latine, me prejardhje të përzier evropiane, amerikane dhe afrikane. Informacioni gjenetik nga njerëzit u krahasua me fotografitë e fytyrave të tyre.

Për të parë se si tipare të ndryshme të fytyrës ishin të lidhura me praninë e shënuesve të ndryshëm gjenetikë, studiuesit panë në mënyrë specifike distancat midis pikave në fytyrat e tyre, të tilla si maja e hundës ose skaji i buzëve.

LEXONI GJITHASHTU:

• Një copë mishi i rrezikoi jetën pacientit në Kosovë
• Alarmante! Uji me klor sjell sëmundje kancerogjene, dëme nervore apo të shikimit