Kërcënimi i prokuroreve, ambasada e SHBA: Jemi të shqetësuar, mbështesim drejtësinë

Ambasada e Shteteve të Bashkuara ka reaguar sa i takon lajmit se dy prokurore janë kërcënuar me jetën e tyre.

Siç thuhet në njoftim, SHBA mbështet zyrtarët e zbatimit të ligjit në Shqipëri dhe shpreh shqetësimin për këtë rast.

Njoftimi i plotë:

Një sistem drejtësie që funksionon pa frikë dhe kërcënime është kërkesë legjitime e popullit shqiptar dhe Shtetet e Bashkuara janë thellësisht të shqetësuara për kërcënimet për dhunë ndaj zyrtarëve të zbatimit të ligjit që po punojnë për ta bërë Shqipërinë të sigurt, të begatë dhe më demokratike. Hetuesit, prokurorët dhe gjyqtarët duhet të jenë në gjendje të kryejnë detyrat e tyre pa kërcënime apo kanosje. Shtetet e Bashkuara ritheksojnë mbështetjen e tyre të palëkundur për zyrtarët e zbatimit të ligjit në Shqipëri, të cilët po luftojnë korrupsionin dhe krimin e organizuar me guxim, si dhe janë gati të mbështesin përpjekjet e tyre.

Ka qenë i penduari i drejtësisë, Artan Tafani, pjesë e bandës së vrasësve me pagesë të Laert Haxhiut, ai i cili ka rrëfyer planet e grupit për eliminimin e prokurores së SPAK, Doloreza Musabelliu dhe ish-prokurores së Lushnjës Merita Selimi si dhe një avokat.

LEXONI GJITHASHTU:

• Raporti i OSBE për zgjedhjet, reagon ambasada amerikane
• “Kosova është Serbi”- Provokon ambasada ruse në Kanada, nxit reagime të ashpra