Kërkesat për azil në BE, shqiptarët të parët në rajon me 845 aplikime në muaj

Shqiptarët ishin në krye të listës së azilkërkuesve nga Ballkani në vendet e Bashkimit Europian për muajin shkurt të këtij viti.

Raporti i fundit i Agjencisë së Bashkimit Evropian për Azilin tregon se ishin 845 kërkesa për azil në një nga vendete Bashkimit Europian. Edhe Maqedonia e Veriut regjistroi numër të lartë aplikimesh, ndërsa listën me më pak kërkesa në rajon e mbyll Mali i Zi me 23 të tilla.

Edhe treguesit vjetorë për 2022-shin evidentojnë Shqipërinë ndër vendet e para në Europë, me 13.040 aplikime për azil nga shtetasit shqiptarë. Shumica e shqiptarëve synojnë të gjejnë mbrojtje në Francë brenda shteteve të unionit, por vitin e kaluar, numri i kërkesave për azil shënoi rekord nga shtetasit shqiptarë në Mbretërinë e Bashkuar, ku u raportuan rreth 16 mijë aplikime.

Sipas raportit të Agjencisë së BE-së, kjo kërkesë e lartë lidhet me faktorët politikë, socialë, vështirësitë ekonomike, pasiguria ushqimore, nxitur po ashtu dhe nga trazirat apo konfliktet.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• ‘Më shumë azilantë shqiptarë sesa ukrainasit e luftës”, BE: Kontribuoni në Shqipëri
• Raporti i OKB: Shqipëria dhe Turqia rritje të numrit të azilantëve