Kërkoi lirimin nga qelia, Apeli i Posaçëm rrëzon kërkesën e ish-deputetit Çyrbja

Gjykata e Posaçme e Apelit ka rrëzuar kërkesën e ish-deputetit të Partisë Socialiste, Jurgis Çyrbja, dhe shtetasit Ahmet Masha për heqjen e masës së sigurisë. Vendimi i Apelit lë në fuqi vendimin e Shkallës së Parë për zgjatjen me tre muaj të afatit të hetimeve ndaj tyre.

Kjo zgjatje ishte kundërshtuar nga të hetuarit, por trupa gjykuese e Apelit e ka konsideruar të ligjshme dhe të bazuar në nevojën për vijimin e veprimeve hetimore.

SPAK ka afat deri më 20 korrik për të përfunduar hetimet për këtë çështje. Sipas burimeve zyrtare, organi i akuzës është në pritje të përgjigjes për një letërporosi të dërguar partnerëve ndërkombëtarë, për marrjen e informacioneve shtesë mbi disa episode të dyshuara dhe subjektet që po hetohen.

Jurgis Çyrbja u arrestua më 20 tetor 2024 dhe është nën hetim për veprat penale të korrupsionit aktiv në zgjedhje, përkrahjes së autorit të krimit, dhe nxjerrjes së sekretit shtetëror. Ndaj tij dhe personave të tjerë të përfshirë, hetimet po vijojnë për të zbardhur të plotë skemën e dyshuar të ndikimit të paligjshëm në procesin zgjedhor.

LEXONI GJITHASHTU:

• Meta reagon nga qelia pas mbylljes së hetimeve nga SPAK: Pres me padurim gjykimin
• Jamarbër Malltezi kërkon në Gjykatën e Lartë heqjen e arrestit në shtëpi