“Kërkojmë ADN-në e fëmijës”, motra e Hutrës: Gruaja s’ka pranuar t’i japë atësinë

Motra e Dan Hutrës, i akuzuar për vrasjen e 3 grave 4 ditë më parë në Tiranë tha në një intervistë ekskluzive për emisionin Review në Euronews Albania se i vëllai dyshonte për atësinë e fëmijës që priste ish-gruaja.

Ajo tregoi se i vëllai i kishte rrëfyer që nusja kishte mbetur shtatzënë 23 ditë para se të lidheshin dhe se fëmija nuk ishte i tij.

“23 ditë para se të lidheshin ajo ka qenë shtatzënë, ka kërkuar test ADN që ajo s’ia dha kurrë. Nuk ka ushtruar dhunë. Ajo ka thënë më ka dhunuar me fjalë, pse e tërhoqi deklaratën. Bëri 8 muaj burg kot. Mesazhet i keni në telefon, të hapen telefonatat, të saj dhe Danit. Pasi ka dalë nga burgu ka kërkuar ADN e fëmijës. Gjithë lufta është bërë për këtë fëmijë, edhe sot e dua ADN për atë fëmijë”, tha motra e Dan Hutrës.

Ajo u shpreh se Dan Hutra ka kërkuar që të bëhet ADN fëmijës pasi ish-gruaja ka mohuar ti japë atësinë.

“Vetëm kur të dalë testi do dalë e vërteta. E ka provokuar për ta çuar deri në këtë pikë, çfarë nuk i thoshte. Nuk ka ia ka dhënë atësinë fëmijë, ai ka kërkuar t’i bëhet testi i ADN; nëse fëmija do të ishte i tij do merrte atësinë”, tha motra e Hutrës.

LEXONI GJITHASHTU:

• Ekskluzive/ Flet nëna e Dan Hutrës, si nisi konflikti mes ish-nuses dhe djalit
• Ekskluzive/ Rrëfehet motra e Hutrës: Ish-gruaja s’e linte rehat, të hapen telefonat