Anton Berisha, këshilltar për politikat e jashtme në Lidhjen Demokratike thotë se Kosova ka humbur nga rinegocimi i marrëveshjes së targave me Serbinë.
Ish-zv.ministër i Punëve të Jashtme në Kosovë shprehet se Kosova ka humbur nga marrëveshja e re e arritur për targat pasi tashmë ajo njeh targat e Serbisë.
“Një marrëveshje ekzistuese që është problematizuar dhe është dobësuar pasi në këtë marrëveshje njihen targat ilegale, targat që regjistrohen në Serbi janë pjesë e marrëveshjes”, tha ai.
Ndërsa qëndrimet e mbajtur nga kryeministri, Albin Kurti i ka cilësuar propagandë dhe nuk po arrin të mbajë premtimet.
“I janë kthye temës patriotike ose si mund ta quaj patriotizëm artificial. Procesin e targave e shoh si fjala popullore u mbars mali dhe polli një mi pasi marrëveshja zbeh marrëveshjen paraprake”, deklaroi z. Berisha.
Këshilltari për politikat e jashtme në Lidhjen Demokratike duke komentuar iniciativën “Open Balkan” dhe mbështetjen e dhënë nga qeveria shqiptare, tha se e sheh këtë si një sjellje gati naive.