Kina bën thirrje për dialog Ukrainë-Rusi

Ministri i Jashtëm i Kinës Wang Yi tha se “evolucioni” i situatës në Ukrainë është “diçka që Kina nuk dëshiron ta shohë”.

Ai këto komente i bëri në një telefonatë me Sekretarin e Shtetit të SHBA Antony Blinken, thuhet në një njoftim nga Ministria e Punëve të Jashtme kineze.

Wang tha se kriza e Ukrainës duhet të zgjidhet përmes “dialogut dhe negociatave” dhe u bëri thirrje Shteteve të Bashkuara, NATO-s dhe Bashkimit Evropian që të angazhohen në “dialog të barabartë” me Rusinë.

Ai tha se ata duhet t’i kushtojnë vëmendje ndikimit negativ të zgjerimit të vazhdueshëm të NATO-s drejt lindjes në sigurinë e Rusisë.

“Kina mbështet të gjitha përpjekjet e favorshme për de-përshkallëzimin dhe zgjidhjen politike të situatës, ndërsa kundërshton çdo lëvizje që është kundër promovimit të një zgjidhjeje diplomatike”, tha Wang.

Blinken nënvizoi në thirrjen se Moska do të “paguajë një çmim të lartë” për “luftën e saj të paramenduar, të paprovokuar dhe të pajustifikuar” në Ukrainë.

Ai tha se “bota po shikon se cilat kombe ngrihen për parimet bazë të lirisë, vetëvendosjes dhe sovranitetit”.

Kina dhe Rusia ndajnë një interes strategjik për të sfiduar Perëndimin, por pushtimi i Ukrainës e ka vënë në provë miqësinë e tyre.

LEXONI GJITHASHTU: 

• Përditësime LIVE 6 mars: Rusia sulmon fabrikën e tankeve në Zhytomyr