Tre adoleshentë janë arrestuar nga policia e Kamzës si të përfshirë në shitjen me pakicë të kanabisit.
Në pranga përfunduan shtetasit K. H., 18 vjeç, L. K., 18 vjeç dhe një i mitur 17 vjeç, të cilët kishin krjuar një grup për shpërndarjen e lëndës narkotike me doza të vogla.
Pas verifikimeve të kryera nga policia rezultoi se shtetasi L. K., kishte shkelur masën e sigurimit personal “Arrest në shtëpi”.
Materialet i kaluan Prokurorisë për veprime të mëtejshme.
“Shërbimet e Komisariatit të Policisë Nr. 5, në vijim të punës për goditjen e paligjshmërive, bazuar dhe në informacionet e siguruara përmes inteligjencës informative, për një rast të shpërndarjes së lëndëve narkotike në zonën e Kamzës, kanë organizuar dhe finalizuar operacionin policor të koduar “Doses”.
Si rezultat i këtij operacioni, u arrestuan në flagrancë shtetasit K. H., 18 vjeç, L. K., 18 vjeç dhe një i mitur 17 vjeç.
Shërbimet e Policisë kanë konstatuar në Bathore tre shtetasit e lartpërmendur dhe gjatë kontrollit fizik të 17-vjeçarit dhe shtetasit K. H., iu gjetën dhe sekuestruan, në cilësinë e provës materiale, doza me lëndë të dyshuar narkotike kanabis, gati për shitje. Nga veprimet hetimore ka rezultuar se këta shtetas, pasi siguronin lëndë narkotike konabis, e shisnin në doza, në zonën e Kamzës.
Pas verifikimeve të kryera ka rezultuar se shtetasi L. K., kishte shkelur masën e sigurimit personal “Arrest në shtëpi””, thuhet në njoftimin e policisë.
LEXONI GJITHASHTU:
- Raporti i anti-drogës në Itali: Rrjetet kriminale shqiptare po forcohen
- Në kërkim për drogë në Itali, arrestohet në Shqipëri narkotrafikanti
