“Klima politike, shqetësuese”- Progres-raporti i KE: Avancim në integrim e drejtësi

Progres Raporti i vitit 2023 për Shqipërinë, publikuar nga Komisioni Europian ka evidentuar një sërë problematikash në ecurinë e vendit, por edhe progres në fusha të caktuara.

Klima politike shihet me shqetësim dhe theksohet nevoja e një bashkëpunimi dhe dialogu konstruktiv mes mazhorancës dhe opozitës, për çështje si reforma zgjedhore e cila aktualisht është në ngërc.

Në raport është evidentuar edhe situata e paprecedentë në paralament me bollkimin e punës paralamentare dhe përjashtimin e 23 deputetëve të opozitës,  duke kërkuar që të ketë dialog mes palëve.

Pas indicieve për abuzimin me fondet e BE-së dhe pezullimin e tyre përkohësisht nga Komisioni Europian, kërkohet që Shqipëria të forcojë ligjin për luftën kundër mashtrimit ndaj interesave financiare të BE dhe të bashkëpunojë me komisionin Europian për hetomet.

Në rrugën e integrimit Europian, Shqipëria shkruhet se ka bërë progres dhe po përgatitet për hapat e ardhshëm në negociatat për anëtarësim.

Drejtësia po ashtu vlerësohet se ka ecur me ritme të mira duke nisur nga plotësimi i vakancave në Gjykatën Kushtetuese deri tek arritjet e mëtejshme të SPAK që sipas progres raportit ka ecur me ritme të kënaqshme.

LEXONI GJITHASHTU:

• Miratohet paketa e zgjerimit, zbardhen vendimet e KE
• Zbardhet një pjesë e progres-raportit të Komisionit Evropian për Shqipërinë