Klosi me fituesit e PS në qarkun Vlorë: Do jemi në krahë të qytetarëve

Drejtuesi politik i qarkut Vlorë, Blendi Klosi prezantoi kandidatët fitues të qarkut.

Në fjalën e tij, Klosi falenderoi të gjithë strukturat për arritjen e rezultatit të lartë në zgjedhjet e 14 majit.

“PS do të marrë gjithmonë fitore spektakolare, do jemi në krahë të qytetarëve”- shtoi mes të tjerash ai.

Klosi u garantoj vlonjatëve mbështetje nga partia e tyre, ndërsa komentoi dhe fitoren e Koalicionit “Bashkë Fitojmë” në Himarë nga Fredi Beleri, i cili ndodhet në burg.

Në bashkinë e Vlorës fitues ka dalë ish-diplomati Ermal Dredha me 28243 vota përballë rivalit të koalicionit ”Bashkë Fitojmë”, Hysni Shara që mori 11787 vota.

Në Selenicë ka fituar kandidati i PS-së Nertil Ballaj  me 5074 vota dhe kandidati i ”Bashkë Fitojmë”, Leonard Rakipaj ka marrë 3525 vota.

Në bashkinë e Sarandës fitues është shpallur kandidati i PS-së Oltion Çaçi me 7909 përballë kandidatit të koalicionit ”Bashkë Fitojmë” Ardit Çikuli që mori 5017 vota.

Në Bashkinë Delvinë fitues është shpallur kandidati i mazhorancës Besmir Veli me 63.64 %, përballë kandidatit të BF Ilir Mehmeti me 36.36 %.

Në Bashkinë e Konispolit është shpallur fitues Orges Dule i PS-së me 54.67 % përballë kandidatit të Bashkë Fitojmë Fatmir Shero me 45.33 %.

Në Bashkinë Finiq ka fituar kandidati i partisë MEGA, Romeo Çakuli me 2221 vota.

Në bashkinë e Himarës ka fituar kandidati i koalicionit ”Bashkë Fitojmë”, Fredi Beleri me 19 vota më shumë kundrejt kandidatit socialist Jorgo Goro.

LEXONI GJITHASHTU: 

• Numërimi votave për këshillat bashkiak, sa këshilltarë kanë fituar deri tani partitë
• Përse Berisha e Meta u tradhtuan nga bastionet e tyre? Daci analizon situatën