Koalicion me Partinë e Lirisë? Berisha përgjigjet për Euronews Albania

Kreu i Partisë Demokratike tha nga Pogradeci se do të ketë një koalicion me Partinë e Lirisë.

Ai iu përgjigj pyetjes së korrespondentit të Euroneës Albania, Xhensil Shkëmbi, ndërsa sqaroi se zgjedhja e kryetarit të Bashkisë Tiranë varet nga primaret, por koalicion do të ketë.

Kryetari i Partisë së Lirisë në një intervistë për Euroneës Albania më herët nuk mohoi mundësinë e kandidimit për bashkinë Tiranë, siç është përfolur kohët e fundit në media.

“Cilat do të jenë format e koalicionit janë për t’u studiuar, por koalicion do të ketë,” – deklaroi Berisha.

Ai tha se nga 1 shtatori do të nisë një aksion i madh opozitar. Fillimisht do të ketë përgatitje “të ethshme”, siç i cilësoi kryedemokrati, për primaret.

“Nëpërmjet primareve Partia Demokratike shënon një hap tjetër madhor në drejtim të pluralitetit brenda partisë dhe kjo përbën një arritje të madhe të demokracisë,” – u shpreh Berisha.

Plani tjetër përfshin një përpjekje të madhe për organizim dhe anëtarësime të reja.

LEXONI GJITHASHTU:

• Do të ketë mosbindje civile, Berisha: Jemi në sinkron me Partinë e Lirisë