Kokainë e kanabis mes patateve për t’i futur në burgun e Vlorës, arrestohet nga SHKB

Shërbimi Kombëtar i Kontrollit të Burgjeve arrestoi në flagrancë një shtetas i cili tentoi të fuste një sasi të konsiderueshme lëndë narkotike në burgun e Vlorës.

Në pranga u vu shtetasi F.C, pasi gjatë kontrollit në skaner të disa ushqimeve të sjella për familjarët, në brendësi të patateve u konstatua një sasi e konsiderueshme lënde bimore, e dyshuar për lëndë narkotike kanabis sativa dhe lëndë narkotike e dyshuar e llojit “kokainë”.

Materialet procedurale në ngarkim të shtetasit F.C iu dërguan Prokurorisë Pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme për veprat penale “Prodhim dhe shitje narkotikësh” dhe “Futja dhe mbajtja e sendeve të ndaluara në IEVP”.

LEXONI GJITHASHTU:

• U plagos në burgun e Peqinit, Indrit Shaqja arrestohet. Çfarë i gjetën në qeli
• Vrasja në burgun e Peqinit/ Gjykata vendos për Mjacajn, drejtorin dhe 11 punonjës