Kombet e Europës i hapin dyert rreth 150 mijë refugjatëve ukrainas

Rreth 150 mijë persona janë larguar nga Ukraina drejt Polonisë dhe vendeve të tjera fqinje, deklaroi të shtunën agjencia e OKB për refugjatët.

Disa kanë ecur për kilometra të tëra gjatë natës, ndërsa shumë të tjerë udhëtuan me tren, autobusë duke krijuar radhë të gjatë në kufijtë me vendet fqinje si Polonia, Moldavia, Hungaria, Rumania dhe Sllovakia.

Sipas agjencisë, shumica e refugjatëve janë gra, fëmijë dhe të moshuar, kjo pasi presidenti ukrainas ia ka ndaluar burrave të moshs 18 deri në 60 vjeç që të largohen.

“Situata dhe shifrat ndryshojnë nga minuti në minutë”, tha Joung-ah Ghedini-Williams, zëdhënësja e Komisionerit të Lartë për Refugjatët.

Sipas parashikimeve të agjencisë, rreth 4 milionë ukrainas mund të largohen nga vendi i tyre nëse situata përshkallëzohet më tej.

🚨 "Up to 4 million people may flee Ukraine" – UNHCR's @Shabia_M reports.

We are stepping up operations in the country and have started to provide humanitarian aid to those forced to flee. pic.twitter.com/z7T0F04FXM

— UNHCR, the UN Refugee Agency (@Refugees) February 26, 2022

LEXONI GJITHASHTU:

• Këshilli Sigurimit pritet të thërrasë seancën e rrallë mbi situatën në Ukrainë
• Sa pjesë të territorit të Ukrainës ka pushtuar deri tani Rusia?