Kombëtares i duhet një trajner i ri, thotë ish-futbollisti Altin Lala

Ish-futbollisti i Kombëtares Shqiptare, Altin Lala e vlerëson punën e bërë nga Edoardo Reja në përfaqësuesen e Shqipërisë, por thotë se duhet një trajner i ri.

Në një intervistë për Euronews Albania, Lala u shpreh se duhet një trajner që t’i japë një impuls të ri skuadrës.

Ndër të tjera, Lala nënvizoi se është e vështirë të gjesh trajnerë të mirë, për shkak se kërkojnë edhe paga të larta.

“Unë mendoj që Edi Reja ka bërë mirë, pavarësisht se ka pasur dhe shumë kritika. Ai është një trajner me eksperiencë, për ato vite që ishte aty, sidoqoftë, grumbulloi disa lojtarë të rinj. Kjo ishte diçka shumë pozitive, patëm dritë edhe hije. Në disa ndeshje mund të luanim më mirë, në disa ndeshje kemi luajtur mirë.

Mendoj se ka ardhur koha për të ndryshuar diçka. Gjithmonë, edhe nga eksperienca ime, del më parë një trajner, skuadrën nuk e ndryshon dot. Të japësh një impuls të ri, një shkëndijë të re. Shpresojmë që të gjejmë një trajner të mirë që t’i përshtatet kombëtares, por edhe anasjelltas, Nuk është e lehtë të gjesh trajnerë të mirë, kërkojnë shumë para”, theksoi ai.

LEXONI GJITHASHTU

• Altin Lala: Brazili favorit i Botërorit, shpresojmë që Zvicra të mposhtë Serbinë
• ‘Ata janë Serbia, ne jemi Zvicra’, Xhaka: Le ta fitojë ndeshjen skuadra më e mirë
• Brazili vendos rekord, 17 ndeshje radhazi pa humbje në fazën e grupeve