Komedia “zbulimi” në Kolonjë, vepra e autorit anglez trajton problemet në çift

Aktori dhe regjisori i njohur Salsano Rrapi ka sjellë për artdashësit kolonjarë shfaqjen “Zbulimi”, një vepër e autorit John McCann, e interpretuar nga vet regjisori dhe aktoret Erjona Kakeli e Flobensa Bezati.

Autori anglez McCann në këtë shfaqje trajton jetën bashkëshortore midis një skenaristi të shquar e një ministreje angleze, jetë e cila ka përplasjet e çiftit deri në divorc por si njëri dhe tjetri kërkojnë t’i japin një mundësi të dytë martesës së tyre dhe ja dalin të bashkohen.

Për aktorët kryesorë pavarësisht se vepra është e shkruar nga një autor anglez ajo duket se prek jo pak edhe realitetin shqiptar.

“Për gjithë atë që i mungon marrëdhënies njerëzore, asaj në çift, komunikimi. Mungesa e komunikimit sjell gjithë problemet ku është e ne Shqipëri pavarësisht se autori është anglez, çdo gjë ka stil anglez por kjo shfaqje rri shumë mirë dhe në Shqipëri sepse është problemi kryesor. E vështirë kur e ke ne shtëpi gjatë kohës që nuk je ne pune, por e kaluam me sukses, madje ka qenë e suksesshme si shfaqje”,-tha aktori Salsano Rrapi.

“Është e vërtetë, këtë mesazh ka vepra, humori fin. Pa komunikuar nuk ka sqarim, kjo nuk vlen vetëm për çiftet por për gjithë marrëdhëniet njerëzore. Ka qenë e suksesshme e shpresojmë të vazhdojmë më tej”-tha aktorja, Erjona Kakeli.

Shfaqja “Zbulimi” pritet të shfaqet edhe në skenat e tjera të teatrove të vendit.

LEXONI GJITHASHTU:

• Bienalja e Venecias/ Artistja izraelite anulon shfaqjen për të kërkuar armëpushim
• Basha: Bëjnë teatër për zhvillime pseudo-politike, gjithë ditën dëgjojmë “kukuvajka”