Basha: Bëjnë teatër për zhvillime pseudo-politike, gjithë ditën dëgjojmë “kukuvajka”

Kreu i Partisë Demokratike, Lulzim Basha doli këtë të premte në një konferencë për gazetarët ku tha se në Tiranë po dëgjohen vetëm “kukuvajkat e Kuvendit dhe kryeministrisë” dhe asgjë që lidhet me interesin e qytetarëve.

Ai tha se i duhet kushtuar më shumë rëndësi sigurisë kombëtare dhe interesave të qytetarëve.

“Në Tiranë dëgjohen vetëm kukuvajkat e mëngjesit te Kryeministria dhe Kuvendi, dhe kukuvajkat e darkës, që e dini ju ku janë, asgjë për të mirën e vendit dhe asgjë për sigurinë kombëtare.

Duan ta mbajnë të mbyllur debatin, për interesa të tyre personale, kryesisht për këtë që është në pushtet dhe që bën teatrin me regji për zhvillimet pseudo-politike të javës. çfarë zhvillimesh pseudopolitke e kam fjalën?

Për ato të cilat nuk marrin parasysh asgjë, në lidhje me diçka kaq shqetësuese siç është siguria kombëtare dhe siguria e Kosovës, për atë që nuk merr asgjë parasysh sa i tkaon interesit të shqiptarëve në lidhje me ekonominë, me emigracionin masiv, me pamundësinë për të përballuar jetesën me pagat aktuale, me zhvatjen që i bëhet vendit, me një paketë buxhitare më të lartë në 30 vite, ku nuk pikon asgjë për shtresat e varfëra”,-tha Basha.

LEXONI GJITHASHTU:

• “Ndihmë ushtarake për Kosovën”, Basha: Të hënën dorëzojmë amendamentin në Kuvend
• “Ndjekin shembullin rumun”- Basha: Si po përpiqet Rama të godasë SPAK dhe Reformën