English

Komisioni Hetimor për Sterilizimin nis inspektimet në terren nga spitali i Durrësit

KOMENTE

SHPERNDAJE
ARTIKULLIN

Text sizeAa Aa

Komisioni Hetimor për PPP-të në Shëndetësi ka nisur nga spitali i Durrësit vizitat në terren për t’u njohur me situatën dhe problematikën e tyre.

- Advertisement -

Kryetarja dhe anëtarë të këtij komisioni janë takuar me drejtuesit, shefat e shërbimeve dhe kryeinfermierin e spitalit të Durrësit dhe kanë marrë përgjigje prej tyre për çështjet që do të trajtohen dhe në dëgjesat me dëshmitarë.

“Të gjithë informacionin që ne mundëm të marrim sot ne do t’ia referojmë komisionit hetimor dhe anëtarëve të tjerë. Ky informacion do të shërbejë edhe për pyetjet në dëgjesat që do të bëhen me dëshmitarët që do të thirren për të dëshmuar në komision dhe mund edhe të jenë pjesë e raportit përfundimtar, që do t’i dërgohet më tej parlamentit”, tha kretarja e komisionit hetimor Albana Vokshi.

“Është një vizitë informuese e komisionit, që të kuptojmë si është situata në spital, si është situata lidhur me shërbimet që ne kemi objekt hetimi në komision. Është një vizitë që do të vazhdojë edhe në institucionet të tjera. Më pas ne do të dalim në konkluzione kur të jetë momenti i përfundimit të punës së komisionit hetimor”, deklaroi deputeti i PS, Plarent Ndreca.

Duke nisur nga Durrësi, për dy javë komisioni hetimor do të jetë në terren për të marrë informacion dhe parë nga afër ecurinë dhe mënyrën e operimit të dy koncesioneve, atij të sterilizimit dhe check up-it.

Seancat dëgjimore pritet të nisin në fillim të qershorit, ndërsa konkluzionet do të jepen më 21 korrik.

LEXONI GJITHASHTU: 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?