Kompanitë bllokuan furnizimet pasi nuk përballonin dot tifozët, thotë menaxheri

Areteo Butsi, menaxher lokali, tha se dy ditët e ndeshjes ishin ditë suksesi, por lokali i tij kishte pasur probleme me disa kompani të cilët i kishin bllokuar dërgimin e mallrave për arsye se nuk përballonin dot numrin e tifozëve.

Ai tha se xhiroja që kishin bërë në ditën e ndeshjes ishte mbi 50% më e lartë se herët e tjera.

Menaxheri tha se kishte konsum, rrëmujë dhe argëtim, po ashtu edhe incidente të vogla nga tifozët për arsye të rrëmujës.

Butsi tha se tifozët akoma nuk janë kthyer në shtetet e tyre dhe se bllokimi i mallrave në ditën e ndeshjes për lokalin që ai menaxhon ishte problematik dhe se nëse një fluks i tillë do të kishte zgjatur edhe për dy ditë do ishte akoma dhe më problematike.

Menaxheri gjithashtu tha se në ditën e ndeshjes çmimet e pijeve nuk ishin dyfishuar edhe pse kishin bllokim të mallrave nga kompani të ndryshme, duke shtuar se nuk kishte pasur asnjë problem nga tifozët pas ndeshjes.

LEXONI GJITHASHTU:

• Ulja e mesatares që të mos mbyllen degët në fakultet, thotë eksperti i arsimit