Komunitetet fetare pas raportit të DASH: Janë kthyer më pak se 30% e pronave

Pesë komunitetet fetare që kanë marrëveshje me qeverinë kanë probleme të mbartura për kthimin e pronave të konfiskuara gjatë regjimit komunist, sipas raportit të DASH për lirinë fetare.

Vetë komunitetet fetare në Shqipëri konfirmojnë se iu është kthyer më pak se 30% e pronave.

“70% e pronave nuk janë marrë akoma në konsideratë”, u shpreh Dorian Dementja, drejtor i Kulturës në Komunitetin Mysliman.

Thoma Çomëni, teolog, tha në emisionin “Mirëmëngjes” në Euronews Albania se vlera e pronave të kishës nuk është vetëm ekonomike, por edhe shpirtërore.

“Pronat e kishës ortodokse të Shqipërisë kanë një vlerë ekonomike, por shpirtërore. Populli merrte vendimin nga shkaqe të ndryshme për të ndërtuar një objekt kulti, në ndërtimin, e rëndësishme ishte si do ta mbështesnin edhe ekonomikisht për ta mirëmbajtur”, u shpreh Çomëni.

LEXONI GJITHASHTU:

• Kisha Ortodokse e Ukrainës ndërpret lidhjet me Kishën Ruse