Konfirmohet për Euronews Albania kalimi i Uzunit tek Austin, dita kur prezantohet

Myrto Uzuni dhe Granada tanimë janë një histori e mbyllur, me sulmuesin shqiptar që do të përshëndetet me shokët e skuadrës e do të nisë aventurën e re tek Austin, në MLS. Gjithçka ka shkuar shumë mirë, e mbetet vetëm zytarizimi i kësaj lëvizje. Euronews Albania ka mësuar që spanjollët do të përfitojnë 12 mln euro, ndërsa 29-vjeçari do të kryejë testet mjekësore ditën e hënë, ku më pas do të bëhet dhe prezantimi i tij në ambientet e klubit.

Myrto Uzuni kërkohej dhe nga skuadra të tjera, por duket se oferta e bërë nga amerikanët ishte më e mira për të dyja palët, si lojtarin ashtu dhe Granadën. Shkak për krisjen e marrëdhënies me spanjollët ishte paga e lojtarit kuqezi, me këtë të fundit që kishte kërkuar rishikim të kontratës, por që nuk u arrit.

Myrto Uzuni u afrua te Granada në vitin 2022, ku shkroi historinë si golashënuesi më i mirë i huaj në historinë e kësaj skuadre.

LEXONI GJITHASHTU:

• Myrto Uzuni largohet nga Granada, klubi amerikan shpenzon 12 mln euro për ta marrë
• Myrto Uzuni vendos rekord, shënuesi më i mirë i huaj në historinë e Granadës
• Rrëfehet Uzuni: Te Granada më adhurojnë, në Kombëtare dua të luaj si sulmues i dytë