Një 41-vjeçare nga fshati Bilçë i Beratit i ka dhënë fund jetës duke pirë fostoksinë.
Ngjarja ka ndodhur 2 ditë më parë, ku vetë viktima Shpresa Kreku, pasi ka pirë fostoksinën, ka marrë vëllanë në telefon dhe i ka thënë “nuk mundem më vëlla, amanet fëmijët”.
Pas kësaj vëllai ka mbërritur menjëherë në banesën e motrës dhe e ka gjetur në gjendje kritike.
Fillimisht ai e ka dërguar motrën në Spitalin Rajonal Berat dhe më pas është transportuar drejt Spitalit të Traumës në Tiranë, ku edhe gjeti vdekjen pak minuta pas mbërritjes.
Në lidhje me këtë ka dhënë detaje gazetari Griseld Zenuni, në një lidhje të drejtpërdrejt për emisionin “Good Morning Albanians” në Euronews Albania, ku tha se bashkëshorti i viktimës nuk ka pranuar të flasë.
Ai theksoi se nuk dihet nëse ka konflikt mes familjeve duke shtuar se ajo që është vënë re është se në fletë lajmërimin e vdekjes nuk ishte shënuar emri i bashkëshortes.
“Jam munduar të kontaktoj me familjen e bashkëshortit të 41-vjeçares por që nuk kanë pranuar,. Ajo që është vënë re se në fletën e lajmërimit të vdekjes mungonte emri i bashkëshortit, por vetëm i familjes dhe fëmijëve”-tha ai.
LEXONI GJITHASHTU:
- Këmbimi valutor, si qëndron Leku në raport me monedhat e huaja
- OKB mbyll seancën për dinarin me fjalën e Kurtit: Çdo qytetar serb e ka pranuar €
