Konflikt mes dy personave në Shkodër, qëllohet me armë

Të shtëna me armë janë regjistruar pasditen e kësaj të shtune në qytetin e Shkodrës. Sipas informacioneve paraprake bëhet me dije se pas një konflikti për motive të dobëta mes dy personave në lagjen “Skënderbeg”, njëri prej tyre ka nxjerrë armën dhe ka qëlluar në ajër.

Policia njofton se ka identifikuar autorin e ngjarjes dhe është vënë në ndjekje të tij.

Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes

“Rreth orës 16:00, dyshohet se gjatë një konflikti të çastit, për motive të dobëta, në lagjen “Skënderbeg”, midis shtetasve R. M. dhe E. Ç., ky i fundit ka qëlluar me armë zjarri pistoletë dyshohet në ajër, dhe më pas është larguar. Nuk ka persona të lënduar.

Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuar, shtetasit E. Ç., dhe vijon krehja e zonës për kapjen e tij”, thuhet në njoftimin e policisë.

LEXONI GJITHASHTU:

• Lëvizte me armë zjarri në makinë, arrestohet 38-vjeçari në Tiranë
• Vodhën një biznes, 4 të mitur në hetim, njëri prej tyre mbante armë zjarri