Vodhën një biznes, 4 të mitur në hetim, njëri prej tyre mbante armë zjarri

Katër të mitur janë proceduar penalisht pasi kanë vjedhur një biznes.

Policia bën me dije se në kuadër të operacionit policor të koduar “Hand”, u proceduan penalisht 4 të mitur, të moshave 14 dhe 15 vjeç.

Nga veprimet hetimore dyshohet se këta shtetas, në bashkëpunim me njëri-tjetrin, kanë vjedhur disa pjesë automjetesh, në një biznes, në autostradën Tiranë-Vorë.

Gjatë kontrollit në banesën e njërit prej 14-vjeçarëve, shërbimet e Policisë gjetën dhe sekuestruan 1 armë zjarri pistoletë, me krehër e municion luftarak, të cilën ky shtetas e publikonte dhe në rrjete sociale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• “Oppenheimer” mbizotëron çmimet Oscar, përfshirë për filmin më të mirë
• Ekspozita në Gjirokastër/ Fëmijët e talentuar në pikturë prezantojnë botën e tyre