“Konflikti për një pronë”, gazetari: Pse u qëllua me armë kryekomunari i Haraçinës

Gazetari Furkan Saliu ishte këtë të hënë i ftuar në Euronews Albania për të folur rreth ngjarjes së ditës së sotme ku është qëlluar me armë ndaj kryekomunarit të Haraçinës, Ridvan Ibrahimi.

Sipas gazetarit shkak i këtij konflikti ku mbetën të plagosur dy persona, është një pronë shtetërore ku komuna kërkon të ndërtojë një stadium.

Gazetari tha gjithashtu se personi i cili ka kryer sulmin me armë, është i njohur nga policia.

“Është një problem që ka zgjatur gjatë mes familjes së personit që qëlloi me armë zjarri ndaj ekipit të kryetarit të komunës dhe vetë komunës e cila po kërkon të ndërtojë një stadium në një parcelë që është në pronësi të shtetit.

Probleme ka pasur edhe më herët, por jo fizike, deri ditën e sotme kur ndodhi dhe sulmi me armë zjarri. Nuk është sulmuar makina por është sulmuar në rrugën kryesore të komunës kryetari i cili kishte dalë në inspektim për të parë se si po shkonin punimet së bashku me ekipin e tij. Nga ngjarja janë plagosur dy persona. Njëri është në një gjendje më të lehtë, ndërsa tjetri është në operim dhe flitet se ka dëmtim në mushkëri”,-tha gazetari.

LEXONI GJITHASHTU:

• Qëllohet me armë kryetari i komunës së Haraçinës në Maqedoninë e Veriut
• Daçiç: Serbia në rrezik, Perëndimi kërkon Kosovën në organizma ndërkombëtarë