Presidenti i Republikës Bajram Begaj nisi sot konsultimet me partitë politike në funksion të dekretit për datën e zgjedhjeve te ardhshme parlamentare.
Kreu i LZHK, Dashamir Shehi, kreu i PR, Fatmir Mediu, kreu i PAA, Agron Duka dhe kreu i PBDNJ Vangjel Dule mbërritën paraditen e së mërkurës për konsultime në presidencë.
Mësohet se pas konsultimeve partitë e vogla propozuan datën 4 maj për mbajtjen e zgjedhjeve të përgjithshme.
Kreu i PAA, Agron Duka tha në një komunikim për mediat se qëllimi është që zgjedhjet të mbahen para Komunitetit Politik Evropian që mbahet në 9 maj dhe mbledh në Tiranë liderët e Bashkimit Evropian, Ballkanit Perëndimor dhe Britania e Madhe e Turqia.
“Propozuam datën 4 maj, duke qenë se në 9 maj është një event që mbledh kryeministrat e Evropës dhe data 11 maj do ishte e papërshtatshme pasi mund të paragjykohet”, tha Duka.
Ndërkohë, kreu i PDIU, Shpëtim Idrizi do të zhvillojë një takim më vete me presidentin.
Pritet që konsultat me dy partitë kryesore, PS dhe PD, Presidenti do t’i zhvilloje nga fillimi i javës së ardhshme.
LEXONI GJITHASHTU:
- Presidenti Begaj nis konsultimet me partitë për datën e zgjedhjeve të ardhshme
- Presidenti Begaj mesazh urimi Donald Trump për fitoren në zgjedhje
