Konsumuan karamele që i gjetën në rrugë, përfundojnë në spital 3 të mitur në Korçë

3 fëmijë të moshave 3,7 dhe 10 vjeç ndodhen në gjendje të rëndë shëndetësore në pediatrin e spitalit rajonal të Korçës.

Policia tha se sipas deklarimeve të familjarëve, dyshohet se fëmijët kanë konsumuar disa karamele, të cilat i kanë gjetur në rrugë, pranë një koshi mbeturinash.

Fëmijët mendohet se janë helmuar ndërsa pritet të kryhet një mjekim i specializuar ndaj të tre fëmijëve në repartin e urgjencës në Pediatrinë e Korçës.

Grupi hetimor po punon për zbardhjen e rrethanave të ngjarjes.

LEXONI GJITHASHTU:

• Korçë: Kërcënoi me armë efektivët e policisë, arrestohet 26-vjeçari
• Aksident me një të plagosur në afërsi të fshatit Nevicisht në Korçë