Kontrolle edhe në Shqipëri, Eurojust arreston 35 anëtarë të një bande

35 anëtarë të një grupi kriminal janë vënë në pranga Eurojust. Sipas njoftimit të arrestuarit janë prangosur pasi dyshohet se ata kanë vjedhur mijëra objekte në të gjithë Evropën, përfshirë muzetë, dhe i kanë trafikuar ato nga Bullgaria në vende të tjera evropiane.

Autoritetet nga gjashtë vende përfshirë edhe Shqipëria punuan për të arrestuar 35 anëtarët dhe për të kontrolluar mbi 125 vende. Gjatë kontrolleve u zbuluan mbi 3 000 objekte me një vlerë të vlerësuar prej mbi 100 milionë eurosh.

U sekuestruan gjithashtu dokumente, pajisje elektronike, mbi 50 000 dollarë në para të gatshme dhe ar për investime. Vlera totale e mallrave të vjedhura vlerësohet të jetë rreth 870 milionë euro.

Pas një bastisjeje në një shtëpi në Bullgari në vitin 2020, autoritetet sekuestruan 7 000 objekte kulturore me vlerë të rëndësishme historike. Koleksioni i sendeve të vjedhura përfshin maska, pajisje ushtarake, bizhuteri, vazo dhe kupa nga qytetërimet trake dhe greko-romake, disa prej të cilave datojnë që nga viti 2 000 para Krishtit. Për shkak të mungesës së dokumentacionit për shumë prej objekteve, u ngritën dyshime për blerje të paligjshme dhe filloi një hetim.

Midis të dyshuarve të arrestuar është një Objektiv me Vlerë të Lartë (HVT), i cili dyshohet se ka udhëhequr operacionin e trafikimit. Ai dyshohet se ka financuar gërmime të paligjshme në të gjithë Bullgarinë dhe vendet e tjera fqinje.

Grupi kriminal operonte kryesisht në Francë, Gjermani, Mbretërinë e Bashkuar dhe Shtetet e Bashkuara. Kontrolle lidhur me operacionin janë kryer edhe në Shqipëri kur Eurojust ka bashkëpunuar me SPAK.

LEXONI GJITHASHTU:

• Rritet niveli i lumit Osum, përmbyten pedonalja dhe disa biznese në Berat (VIDEO)
• Goditen 2 raste të shitjes së lëndëve narkotike në Vlorë e Sarandë, pranga 3 persona