Korriku, rekord makinash/ 7,985 mjete regjistrohen për herë të parë në një muaj

 7,985 automjete janë regjistruar për herë të parë në vendin tonë përgjatë muajit korrik duke thyer kështu rekordin në 5 vitet e fundit.

Sipas të dhënave të publikuara nga drejtoria e përgjithshme e transportit rrugor, numri mjete të regjistruara është  14.4% më shumë.

Numri i makinave që blihen nga shqiptarët po vjen në rritje të vazhdueshme.

42,238 mjete janë regjistruar për herë të pare në periudhën  Janar-Korrik 2023, shifër kjo 50% më shumë se e njëjta periudhë e vitit  2019!

Shumica e makinave që hyjnë në Shqipëri vijnë nga Italia, Gjermnai dhe Zvicra.  Ne vitet e fundit po shkohet dhe një rritje e mjeteve që blihen në Korenë e Jugut.

Ajo çfarë vihet re është se shqiptarët po pëlqejnë gjithmonë  e më shumë mjete të gjeneratës së fundit.

6,381 të tilla janë regjistruar në 6 muaj, respektivisht  42% më shumë se Janar-Korrik 2021.

Po ashtu regjistrimi i autoveturave EURO 5 e sipër është rritur me 83% krahasuar me Janar-Korrik 2021, duke rritur regjistrimet e autoveturave eco–friendly e më pak ndotëse.

3,376 mjete me moshë mesatare 22-vjeçare janë çregjistruar plotësisht nga sistemi.

LEXONI GJITHASHTU: 

• Financial Times: Shqipëria një Itali e vogël, çmime konkurruese
• Qëllon me armë në ajër dhe largohet, shpallet në kërkim i riu në Tiranë