Kosova barazon në shtëpi me Zvicrën, ndizen shpresat për kualifikim

Kosova ka marrë një barazim me shumë vlerë ndaj Zvicrës në shtëpi, me përballjen e mbyllur në shifrat 2-2.

Në një stadium plotë e përplot ku biletat u shitën në harkun kohor të 3 orëve, dardanët mbështetën maksimalisht skuadrën e tyre, me këta të fundit të cilët u kundërpërgjigjën në të njëjtën mënyrë.

Zviceranët do të kalonin në avantazh në pjesën e parë me Remo Freuler, ndërsa në të dytën, Kosova do të shtonte ritmin.

Vedat Muriqi solli barazpeshën, duke ngritur peshë stadiumin Fadil Vokrri, por një autogol i Rrahmanit, ktheu miqtë tek avantazhi. Hyrja e Korenicës në lojë i dha më tepër shtysë ofensivës dardane, me 26-vjecarin që asistoi për Bomberin Muriqi dhe ky i fundit ndali topin në rrjetë.

1 pikë që mban gjallë shpresat për kualifikim tek Kosova, e cila renditet në vendi ne pestë në grupin I me 4 pikë. Në krye qëndron Zvicra me 3 fitore dhe 2 barazime, ndërsa në përballjen e ardhshme presin Andorrën.

Dardanët kanë një tjetër përballje delikate në vijim, ndaj Rumanisë, ku një fitore do t’i afronte më tepër me kreun. Në përballjet e tjera të këtij grupi, Rumania barazoi me Izraelin 1-1, ndërsa sfida Andorra-Bjellorusi u mbyll me rrjeta të paprekura.

LEXONI GJITHASHTU: 

• Me thirrjet “UÇK”, tifozët kuqezi më mbështetje të Dritan Goxhajt
• Problemet e zemrës/ Mjekët: Diabeti dhe yndyrnat e larta janë risk për zemrën