“Kosova e bëri hapin”, analisti: BE nuk duhet të kishte hezituar në heqjen e masave

Analisti Gazmir Raci tha në një intervistë për Euronews Albania se Bashkimi Evropian duhet të heqë tanimë masat ndaj Kosovës.

Ai tha se pavarësisht se janë në një fazë ku ka filluar zbatimi i një plani të përbashkët të dakorduar me Kosovës dhe BE-së, ende nuk dihet marrëveshja e kësaj të fundit me Serbinë.

“Në këtë lojë nuk është vetëm Kosova dhe Bashkimi Europian, por është dhe Serbia e cila ka luajtur një rol shkatërrues të jashtëzakonshëm sa i përket mos zbatimit të planit franko-gjerman por dhe natyrisht ndihmave në Veri. Kosova e bëri hapin e saj të parë, të kërkuar me ngulm tani e shumë muaj nga Perëndimi, por për çudi Bashkimi Europian heziton, jo të heqë masat, por heziton dhe të flasë për ato masa sepse ishte premtim dhe premtimi ishte publik,” – u shpreh Raci.

Sipas tij, në shenjë mirëbesimi BE nuk duhet të kishte treguar hezitim në heqjen e pengesave për Kosovën, në mënyrë që vendi të vazhdonte më tej deri në shpalljen e zgjedhjeve.

LEXONI GJITHASHTU:

• Mbahen peng në garazhin e pallatit 4 kosovarë, arrestohen 2 persona në Durrës
• Vodhi targat e 6 automjeteve të huaja, arrestohet 57-vjeçari nga Kosova