Kosova e gatshme të shtyjë vendimin për targat, thotë analisti

Analisti Gazmir Raci thotë se sipas disa informacioneve që disponon, Kosova i ka thënë po planit të ri të Brukselit për të shtyrë vendimin për targat e automjeteve.

Në një intervistë për Euronews Albania, Raci u shpreh se për herë të parë ka një dakordësi të fuqive të mëdha ndërkombëtare për dialogun Kosovë-Serbi.

“Kosova, ka pasur një javë të rëndësishme në vendimarrjen e saj. Me sa informacion kam unë, Kosova i ka thënë po planit të ri të Brukselit, por natyrisht, një plan që është i dakordësuar me Shtetet e Bashkuara të Amerikës.

Kam parë disa kolegë të mi analistë, që e akuzojnë kryeministrin Kurti se nuk i është përgjigjur zotit Blinken, por i është përgjigjur zotit Lajçak. Në fakt, për herë të parë, kemi një dakordësi të fuqive të mëdha ndërkombëtare në dialogun e Brukselit dhe kemi një bashkëredim mes tyre”, theksoi ai.

Kryeministri i Kosovës, Albin Kurti mund të takohet me presidentin e Serbisë, ditën e nesërme në Bruksel.

Pavarësisht se ende nuk është bërë publike agjenda, takimi pritet të përqendrohet në uljen e tensioneve mes dy vendeve.

Ditën e djeshme, Bashkimi Evropian ftoi Albin Kurtin dhe Aleksandër Vuçiçin, në një takim për të gjetur zgjidhje për targat ilegale serbe.

LEXONI GJITHASHTU

• Kurti pritet të takohet nesër në Bruksel me Vuçiçin
• Hoti akuza Kurtit për dialogun me Serbinë: S’ka lidership, po qeveris pa vizion
• Escobar: Pres një marrëveshje mes Beogradit dhe Prishtinës në ditët në vijim