Kosova pa qeveri, gazetari tregon skenaret e zgjidhjes politike

Kuvendi i Kosovës i mbajtur këtë të martë ka dështuar të konstatojë legjislaturën e nëntë në seancën e së martës. Që në fillim të saj munguan votat e nevojshme për raportin që i hapte rrugë betimit të deputetëve.

Gazetarti Kosovë Gjoci në një lidhje direkte për “Noë me Erla Mëhillin” ka treguar skenarët e mundshëm që mund të ndodhin në Kosovë për krijimin e qeverisë së re.

“Nisur nga ajo që e parashikon Kushtetuta, në rast se partia që ka fituar zgjedhjet nuk arrin ta bëjë shumicën për të krijuar qeverinë brenda 15 ditëve, pasi të zgjidhet kryetari dhe nënkryetari i Kuvendit, që në këtë rast i bie ta bëj zoti Kurti dhe Vetëvendosja, nëse nuk e arrin e ka të drejtën për të formuar qeverinë e re kujtdo që arrin të krijojë shumicën e të ketë 61 vota për të votuar kabinetin qeveritar.

Në këtë rast duke pasur parasysh rradhën dhe deklaratën e Memli Krasniqit nga PDK-ja, kjo parti është e gatshme që nëse Vetëvendosja nuk arrin të krijojë qeverinë, ata janë të gatshëm të marrin në dorë situatën e me partitë e tjera veç Listës Serbe, të krijojë një shumicë parlamentar”.

I pyetur për hapin e rradhës, Gjoci u përgjigj:

“Janë dy mundësi zoti Kurti ose duhet të përmbush kërkesat e opozitës duke dhënë dorëheqje tamam. Sepse ai vazhdon ta kryejë funksionin e kryeministrit edhe sot. Problemi është se ka të drejtë edhe Lëvizja Vetëvendosje, që nuk mund të lihet vendi pa qeveri, sepse kështu e parashikon edhe kushtetuta. Ose zoti Kurti duhet të arrijë 61 votat”,-tha ai.

Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës votuan kundër. Votën kundër ata e mbështetën në pretendimin se Albin Kurti dhe ministrat e kabinetit të tij duhet të japin dorëheqje nga ekzekutivi. Lëvizja Vetëvendosje e akuzoi opozitën se u bë bashkë me Listën Serbe në mënyrë që të dështonte konstituimi i Kuvendit.

LEXONI GJITHASHTU:

• Kriza parlamentare në Kosovë, Memli Krasniqi: Albin Kurti nuk ka dhënë dorëheqjen
• Berisha në Vlorë: Përmbytje pas 11 majit! Shqiptarët në krye të rajonit për rrogat