Kosova shpall organizata terroriste “Mbrojtjen Civile” dhe “Brigadën e Veriut”

Qeveria e Kosovës i ka shpallur organizata terroriste “Mbrojtjen Civile” (Civilna Zashtita) dhe “Brigadën e Veriut” (Severna Brigada), organizata që operojnë në pjesën veriore të vendit, të banuar me shumicë serbe, duke thënë se ato janë përgjegjëse për tensionet e fundit në këtë zonë.

“Bazuar në vlerësimet e institucioneve të sigurisë së Republikës së Kosovës, formacionet civile “Mbrojtja Civile” (Civilna Zashtita) dhe komponenti i saj “Brigada e Veriut” (Severna Brigada) paraqesin kërcenim serioz dhe të drejtpërdrejtë për rendin kushtetues dhe sigurinë e Republikës së Kosovës”, ka thënë Kurti.

Ky propozim është arsyetuar më pas edhe nga ministri i Brendshëm, Xhelal Sveçla, duke thënë se e kanë sfiduar shtetin me barrikada, sulme ndaj zyrtarëve policorë, ndaj objekteve shtetërore, ndaj kundërshtarëve politikë e të tjera.

Ministri për Komunitete dhe Kthim, Nenad Rashiç, deklaroi se nuk duhen të merren vendime të ngutshme, prandaj ka kërkuar që të rishikohet i njëjti, por propozimi i tij nuk është marrë parasysh dhe në fund kabineti qeveritar votoi me shumicë që “Mbrojtja civile” dhe “Brigada e Veriut” shpallen organizata terroriste.

LEXONI GJITHASHTU:

• Kurti reagon pas paralajmërimit të sanksioneve nga BE
• Me bakllava e ëmbëlsira të tjera, Albin Kurti viziton policët në veri të Kosovës