Kosova si Palestina? Eksperti: Mungesë informimi, ja pse s’krahasohen

Eksperti i marrëdhënieve ndërkombëtare Dritan Hoti ishte këtë të mërkurë i ftuar në Eronews Albania ku foli për konfliktin Izrael-Hamas.

Ndër të tjerat ai ka komentuar edhe një fjali të kryeministrit Edi Rama i cili në një moment e ka krahasuar Kosovën me Palestinën.

Hoti tha se dy vendet janë krejtësisht të pakrahasueshme, pasi Kosova është një shtet pro amerikan, i cili ka ndërtuar institucionet e veta të bazuara në demokraci.

“Kryeministri Rama artikuloi nocionon se Kosova do të përfundonte si Palestina. Jo! Ka mungesë informimi. E para ky krahasim nuk mund të ngrihet se Kosova është një popull ekskluzivisht pro amerikan. E dyta Kosova është një vend që ka ndërtuar institucione demokratike dhe e treta po të shikojmë fashën, dimensionin e përfaqësimit të komunitetit serb në institucionet e Kosovës është më i madh krahasimisht me numrin e serbëve të Kosovës”,-tha Dritan Hoti.

LEXONI GJITHASHTU:

• Deputetët e PD-së braktisin Komisionin e Ekonomisë: Nuk i pranojmë rregullat e PS-së
• Ultimatumi francez, Enver Hoxhaj: Arsyet pse Macron korrigjoi deklaratën e bujshme