​Kosova U20 kërkon gjysmëfinalen e Evropianit të Basketbollit

Kombëtarja U20 e Kosovës do të luajë sonte një nga ndeshjet më të rëndësishme që nga pranimi në FIBA, duke synuar kualifikimin në gjysmëfinale të Kampionatit Evropian, Divizioni B.

Dardanët e rinj, të cilët për herë të parë janë mes tetë më të mirave në këtë kategori, do të përballen me Zvicrën në çerekfinale. Ndeshja zhvillohet në Armeni dhe nis në orën 19:00.

Fituesi i këtij dueli do të përballet në gjysmëfinale me skuadrën triumfuese nga përballja Letoni–Britani e Madhe.

Ky sukses shënon një arritje historike për basketbollin e Kosovës në moshat e reja, duke konfirmuar progresin e vazhdueshëm të talenteve të rinj në arenën ndërkombëtare.