Prokuroria Themelore në Prizren ka ngritur aktakuzë kundër 4 personave të pandehur të cilët dyshohet se në bashkëpunim kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Sipas aktakuzës, të pandehurit me iniciale M.M., N.U., S.S., dhe N.K., pa autorizim posedojnë me qëllim të shitjes apo shpërndarjes, substanca apo preparate të cilat janë shpallur me ligj si narkotikë.

Pasi substancën narkotike e kishin siguruar nga Shqipëria, të njëjtën e kishin fshehur në fshatin Greikoc – Komuna e Suharekës, në shtëpinë e të pandehurit me inciale S.S., e cila gjendet në rrugën “8 Martirët”. Nga kontrollet policia ka gjetur 49 kg e 750 gram substancë narkotike të llojit “marihuanë” të sistemuara në pesë paketime.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit të shpallen fajtorë në bazë të akuzave të ngritura ndaj tyre.

LEXONI GJITHASHTU:

• Përfshihet nga flakët qendra tregtare në Kosovë
• Policia e Kosovës arreston një të dyshuar dhe konfiskon mjete shpërthyese në veri