KQZ refuzoi kërkesën, Qori: Si do regjistrohet “Lëvizja Bashkë” në zgjedhje

Edhe pse Komisioni Qendror i Zgjedhjeve i refuzoi kërkesën për t’u regjistruar si subjekt politik,  Arlind Qori, drejtuesi i “Lëvizja Bashkë” tha se do të marrin pjesë në zgjedhjet e 14 majit.

Për Euronews Albania, Qori u shpreh se vendimi do të apelohet në KAS ose Kolegjin Zgjedhor.

Qori shtoi se vijojnë me mbledhjen e firmave që ai të kandidojë si i pavarur për Bashkinë e  Tiranës.

“Ne do të jemi në zgjedhjet e 14 majit, sepse siç ju thashë ka akoma faza të apelimit të këtij vendimi skandaloz. Ne kemi një farë shprese se ose KAS-i ose Kolegji Zgjedhor do jetë minimalisht i arsyeshëm dhe minimalisht në respekt të gërmës dhefrymës së ligjit sa për të regjistruar “Lëvizja Bashkë”.

Ne vazhdojmë mbledhim firma, u bëjmë thirrje qytetarëve të vijnë të firmosin për “Lëvizja Bashkë” dhe kandidimin tim për Bashkinë e Tiranës”, theksoi ai.