KQZ sqaron vonesën e shpërndarjes së parave të fushatës për partitë

Komisioni Qendror i Zgjedhjeve përmes një njoftimi për mediat ka sqaruar vonesën e shpërndarjeve së para të fushës për paritë politike.

KQZ thotë se fondi për zgjedhje që përfitojnë partitë politike pjesëmarrëse në zgjedhje u miratua me ligj nga Kuvendi i Shqipërisë në datën 13.04.2023.

“Ligji në fjalë ka hyrë në fuqi në datën 13.04.2023 dhe i është dërguar Komisionit Qendror të Zgjedhjeve në datë 20.04.2023.

Komisioneri Shtetëror i Zgjedhjeve më datë 22.04.2023 ka miratuar vendimin nr. 397, “Për përcaktimin e sasisë së fondit nga Buxheti i Shtetit që do t’u shpërndahet si paradhënie partive pjesëmarrëse në zgjedhjet për organet e qeverisjes vendore, të datës 14 Maj 2023”.

Shpërndarja e fondeve partive bazuar në vendimin përkatës të Komisionerit Shtetëror bëhet direkt nga Buxheti i Shtetit”, sqaron KQZ.

Më herët, kryetari i komanduar i PD Enkelejd Alibeaj gjatë një emisioni televiziv shprehu shqetësimin se deri në këto momente nuk është lëvruar fondi i parave për subjektin që ai përfaqëson.

LEXONI GJITHASHTU:

• PS kërkesë në KQZ për anëtarë, reagon Celibashi: Proces pa domethënie
• KQZ: Të hiqen të gjitha materialet propagandistike që s’kanë emrin e subjektit