KQZ thirrje bashkive: Përmbushni detyrimet ligjore për zgjedhjet e 14 majit

Kryekomisionieri Shtetëror për Zgjedhjet, Ilirjan Celibashi u ka bërë thirrje bashkive që të përmbushi detyrimet ligjore për zgjedhjet lokale të 14 majit.

Përmes një postimi në rrjetet sociale, Celibashi bëri të ditur se një pjesë e bashkive nuk kanë përmbushur detyrimet për qendrat e votimit dhe për publikimin e ekstraktit të përbërësve zgjedhor.

Celibashi thotë se këto detyrime duhet të kryhe në kohë, ashtu sikurse edhe dërgimi në rrugë elektronike i hartave të qendrave të votimit.

“Në vijim të bashkëpunimit dhe komunikimit mbi organizimin e proçesit zgjedhor të datës 14 maj 2023, KQZ ka administruar informacionin e ardhur në rrugë elektronike dhe postare për qendrat e votimit dhe për publikimin e ekstraktit të përbërësve zgjedhor, nga ku rezulton se jo të gjitha bashkitë kanë përmbushur detyrimin e tyre.

Duke qënë në tejkalim të çdo afati, kërkohet që bashkitë të cilat ende nuk kanë përmbushur detyrimin ligjor të mësipërm të marrin masa menjëherë dhe të përmbushin detyrimet e tyre. Gjithashtu duhet realizuar në të njëjtën kohë edhe dërgimi në rrugë elektronike i hartave të qendrave të votimit në adresën email: [email protected]”, shkroi Celibashi në Facebook.

LEXONI GJITHASHTU

• Cilin grup të PD do njohë KQZ? Flet Celibashi
• Zgjedhjet e 14 majit | Celibashi: Mund të ketë votim elektronik edhe në dy bashki
• Kush do të garojë me logon e PD-së më 14 maj? Flet Ilirjan Celibashi