Rusisë nuk i është kërkuar ende një bisede telefonike mes presidentit rus Vladimir Putin dhe homologut të tij ukrainas, Volodymyr Zelensky, deklaroi të hënën zëdhënësi i Kremlinit.
Dmitry Peskov nuk e ka përjashtuar mundësinë edhe të ndonjë takimi mes dy krerëve të shteteve.
Por, Zelensky ka kërkuar më parë të bisedojë me Putin, duke e cilësuar si mënyrën e vetme për t’i dhënë fund luftës.
Sipas mediave ruse, Peskov tha se as nga ana e Shteteve të Bashkuara nuk ka pasur kërkesë për dialog mes presidentit Joe Biden dhe Putin.
Disa ditë përpara se trupat ruse të pushtonin Ukrainën, Shtëpia e Bardhë theksoi se një takim i tillë duhet të paraprihej nga ulja e tensioneve nga ana e Rusisë.
LEXONI GJITHASHTU: