Kreu i Autoritetit Rrugor Shqiptar Gentian Gjyli është paraqitur të premten në Prokurorinë e Posaçme.
Kjo është hera e dytë që zyrtari i lartë shkon në SPAK. Në janar Gjyli dha shpjegime për rreth 2 orë.
Gjyli zëvendësoi në këtë detyre Ervis Berberin, i cili ndodhet në paraburgim që prej datës 16 mars të këtij viti. Bashkë me të, u arrestuan edhe Valter Begaj dhe Ervis Lami. Ky i fundit u lirua nga gjykata e shkallës së parë, por Apeli i Posaçëm e riktheu sërish në qeli, pas ankimimit të vendimit nga Prokuroria e Posaçme (SPAK).
Hetimet e SPAK zbuluan se Berberi, gjatë kohës që ishte në krye të Agjencisë për Eficiencën e Energjisë dhe më pas në ARRSH, kishte dhënë gjashtë tenderë për kompaninë e ortakut të tij, Valter Begaj. Fitimet nga këto tenderë përfundonin tek kompania që ai zotëronte në mënyrë indirekte.
LEXONI GJITHASHTU:
- Detajet nga Elbasani, kush janë dy biznesmenët që u kontrolluan nga SPAK
- Nën hetim nga SPAK, KLP largon nga detyra kreun e Prokurorisë së Sarandës